Famiy Estiverne la ak zanmi yo ap di w byenvini nan mouvman “Yes Ayiti, Wi Ayiti” a. Moun kap vin nan mòn yo, yo menm ki pi pòv yo, swete byenvini tou.

​

Ayiti se yon peyi tropical ki chitta nan lanmè Karayib la a yon distans de 1.348 km de vil Miyami nan Florida. Eta Florida a pi pre Ayiti ke Kalifònya ak Nyou Yòk. Kontras ki genyen ant lòt peyi yo ak Ayiti gran anpil.

​

Ayiti se yon bèl peyi ki gen pi bèl montay ak vale. Nan esperyans mwen, pa gen bagay ki pi lalman ke lè ou rete sou tèt yon mòn pou w ap kontanple lanati. Si w se yon moun ki spirityèl, mòn yo pouse ou lapriyè.

​

Malerezman, Ayiti nan troublay. Move gouvènans, enstabilite politik, esplwatasyon, enjistis, dezas natirèl, kolera, vyolans, ak kidnapin koz Ayiti gen mizè e lap viv nan depandans. Anpil faktori ki te konn bay dyòb femen poutèt problem nou sot site yo. Anpil fanmiy depann de èd finansye diaspora a.

​

Nou menm ak mouveman "Wi Ayiti” kwè ke renmen ka kraze baryè enfènal yo. Lanmou ka ankouraje bon aksyon pami pèp yo. Nou kwè ke kè w plen ak konpasyon pou pèp Ayisyen an. Nou sèten ke u ka di “wi” pou sekouri Ayiti nan projè poulaye ak rebwazman e lòt projè kap vini.

​

Nou vle komanse ak yon poulaye ak rebwazman nan Bonga ki se yon seksyon riral de Kenskòf e ki localize a anviwon 35 Km de kapital la. Ansanm ak pòv yo nou ka ede Ayiti kanpe.

​

Wi Ayiti ka prodwi!

Wi Ayiti bezwen u!

Wi nou bezwen sipò w!

Wi! nou ka chanje Ayiti!

​

Bondye beni Ayiti!

Li beni ou tou!

Nap priye pou ou.